Psa 16 | YomNWM | STEP | Nkunga Davidi. A Nzambi, wukheba mu luvovomo bila kuidi ngeyo nditombila suamunu.

Psalms 16

Nzila yi luzingu

Nkunga Davidi.

1 A Nzambi, wukheba mu luvovomo
bila kuidi ngeyo nditombila suamunu.
2 Kuidi Yave ndituba :
“Ngeyo Pfumu ama,
kuidi ngeyo kaka kueti banga mamboti mama.”
3 Mu diambu di banlongo bobo badi mu tsi ;
bawu batu banzitusu.
Khini yiwombo baku mbonisanga.
4 Bobo banlandakananga zinzambi zinkaka
kiadi kiawu kiela buelama,
voti ndilendi tambika makaba mawu ma menga ko,
Ndilendi tanga mazina mawu mu bididi biama ko.
5 Yave ngeyo wuphana ndambu yi kiuka kiama,
ayi mbungu ama,
ngeyo wunkebanga kuku kiama mu luvovomo.
6 Zindili zikubuku mu diambu diama mu buangu bidi kitoko ;
bukiedika, thambudi kiuka ki mboti.
7 Ndiela zitisa Yave ;
wukuphananga malongi
ntimꞌama wukundonganga mu builu,
8 Ndieti tula Yave ku ntualꞌama mu zithangu zioso
bila widi ku koko kuama ku lubakala,
ndilendi nikuka ko.
9 Diawu ntimꞌama wididi mu khini ;
ludimi luama lueti yangalala
ayi nitu ama yela vunda mu luvovomo ;
10 Bila ngeyo wulendi kundiekula ko
ku tsi bafua,
ayi wulendi tala ko mutu aku wunlongo kabola.
11 Ngeyo wumbonisa nsolo wu luzingu ;
zikhini ziwombo zidi va ntuala zizi kiaku.
Wela kumbonisa khini va meso maku
va kimosi ayi zikhini zika zisukanga ko zidi va koko kuaku ku lubakala.